Shtatzania është argumenti kryesor që paraqesin në dyert e gjykatave prindërit e vajzave minorene për të kërkuar lejen që ato të martohen. Shumë martesa kryhen formalisht, dhe ligjërohen në momentin që vajzat mbushin 18 vjeç.<br /><br />"Nga ka dalë kryesisht shtatzënia, nga ka dalë bashkëjetesa, nga ka dalë bashkimi familjar. Në 7% të rasteve të monitoruara ka qenë lindja e fëmijës".<br /><br />68 kërkesa janë paraqitur në 7 gjykata nga 21 që janë në vend, por ekspertët shohin me shqetësim diferencat në moshë.<br /><br />"Ka shumë gjasa që një e mitur të lidhet pak e shumë me grupmoshën e vet, me një diferencë 19-vjeçare kontaktet janë të limituara, janë martesa të brishta".<br /><br />Për të frenuar fenomenin, kërkohet ndryshimi i ligjit. Ekspertët thonë se ky fenomen ka ardhur në rënie vitet e fundit, ndërsa janë të mendimit se rolin parësor e ka familja.
