Olesia Duka, e arrestuar katër ditë më parë me akuzën e mashtrimit, ka mundur t?iu zhvasë deri më tani, disa tregtarëve dhe biznesmenëve deri në 1.5 milionë euro.<br /><br />Dyshohet se ajo mund të ketë marrë edhe shuma të tjera njerëzve të botës së biznesit në vend dhe se vlera e mashtrimit të saj mund t?i kalojë 2 milionë eurot.<br /><br />Dy ditët e fundit në prokurori kanë mbërritur kallëzime nga dy pronarë pikash të këmbimit valutor dhe një aksionere e një kompanie këmbimi.<br /><br />Sipas burimeve Duka i ka marrë Viktor Hoxhës, 27 milionë lekë të reja, ndërsa Adem Selamajt 10.3 milionë. Një tregtareje, mashtruesja ka mundur t?i zhvasë 65 mijë euro.<br /><br />Ndërkaq hetuesit thonë se ajo ka mundur t'i marrë në total 4 personave të tjerë shuma nga 200-700 mijë lekë të reja, të mbledhura së bashku arrijnë vlerën e 1.4 milionë lekëve.<br /><br />Burime të Tv Klan thanë se paratë e marra nga Olesia Duka janë investuar në pesë apartamente në Tiranë dhe Durrës të sekuestruara nga policia, si dhe në një rrjet klinikash dentare që pritet të sekuestrohen.<br /><br />Po ashtu paratë janë përdorur në fushata bamirësie, edhe në fushata bamirësie siç tregon edhe kjo video e publikuar në Instagram nga deputeti socialist, Erion Braçe.<br /><br />Një video të ngjashme sponsorizimi të Olesia Dukës ka publikuar edhe deputetja socialiste e Elbasanit. Evis Kushi, me datën 22 Dhjetor 2015.<br /><br />Fëmijëve të familjeve në nevojë iu jepen dhurata në një rast për festat e Vitit të Ri. Por po ashtu paratë dyshohet se janë përdorur nga Duka edhe për jetën e saj luksoze, foto nga të cilat ajo i ka publikuara në rrjetet sociale.<br /><br />Nuk kanë munguar as pagesat për spotet publicitare në televizione të ndryshme në vend.<br /><br />Sipas deklarimeve të personave që i kanë dhënë paratë Dukës, ajo i ka justifikuar këto para me investimet që do bënte në rrjetin e klinikave të saj dentare, investimet në marrjen e ekskluzivitetit për materialet e zirkonit etj.<br /><br />Hetuesit dyshojnë se Duka nuk ka kryer asnjë aktivitet financiar, por se vetëm ka mashtruar tregtarët duke iu zhvatur paratë.<br /><br />Tv Klan
