Subscribe në Ora News këtu http://bit.ly/1s5j7UT<br /><br />Emisioni "Ju flet Moska" i Kastriot Myftaraj, erdhi me një analizë interesante mbrëmjen e sotme sa i takon vitit kyç të mandatit të partive apo koalicioneve politike në historinë 25 vjeçare të pluralizmit shqiptar.<br /><br />Myftaraj: Jemi në vitin e parë të mandatit të dytë qeverisës të një partie apo koalicioni politik në Shqipëri. E quaj viti kyç duke bërë një analizë krahasimore të vitit të parë të këtyre periudhave politike të kaluara gjatë 25 viteve të fundit.<br /><br />E para herë kur një parti në pluralizëm në Shqipëri fiton një mandat të dytë është në vitin 1996 kur fitoi PD. Fitoi si fitoi për efekt statistikash, efekt ngjarjesh.<br /><br />Praktikisht quhet viti i parë i mandatit të dytë që nis nga qershori 1996 në qershor 1997. Viti i parë është e tepërt të bëjmë analizë sesa kyç ka qenë viti i parë i mandatit të dytë në këtë periudhë, pas zgjedhjeve të 1996, pasi në këtë mandat ndodhi rënia e firmave piramidale, aksioni opozitar i fuqishëm kundër qeverisë që të gjitha së bashku u përmblodhën në trazirat e '97. Rezultati ishte rënia nga pushteti i PD dhe ardhja në pushtet e opozitës së kohës të PS me aleatët e saj. Viti i parë i mandatit të dytë u verifikua të jetë një periudhë kyçe për zhvillimet e ardhshme dhe me ngjarjet kyç.<br /><br />Marrim vitin 2002. Vitin e parë të mandatit të dytë pasi PS erdhi në pushtet në 1997 dhe fitoi një mandat të dytë në zgjedhjet e qershorit 2001. Siç e dimë viti i parë i mandatit të dytë të PS në periudhën '97-2005 është viti kur ndodh çarja zyrtare në PS, të gjithë mbajmë mend skenat e Komitetit të Përgjithshëm drejtues të PS. PS praktikisht rrëzoi qeverinë e vet. Kryetari i PS-së Fatos Nano pas zgjedhjeve të fituara nga partia e tij mobilizoi mbështetësit e vet dhe rrëzoi qeverinë e PS të kryesuar nga Ilir Meta.<br /><br />Kjo ndodhi në periudhën mes dhjetorit 2001 dhe janarit- shkurtit 2002. Ajo që u quajt lëvizja për Katarsis. Praktikisht bëri punën e opozitës e cila rrinte si spektatore, pra PD-së. Ndoshta ka qenë një lëvizje dinake e Berishës që rrinte spektator në gjithë këto zhvillime sepse nuk donte të unifikohej përballë armikut të përbashkët.I la të ndesheshin, ishte zgjuarsi taktike e Sali Berishës.<br /><br />Për më shumë lexoni në: http://www.oranews.tv/article/ju-flet-moska-viti-kyc-i-mandatit-numer-2-1997-2002-2010-2018
