Subscribe në Ora News këtu http://bit.ly/1s5j7UT<br /><br />Mesa duket apeli i ish-deputetit të PS e ka bërë efektin e tij. Në QSUT të enjten janë paraqitur shumë vullnetarë të cilën kanë dhuruar gjak për shkrimtarin e njohur Fatos Kongoli. Shkrimtari i njohur i është nënshtruar dy ndërhyrjeve dhe tani do të duhet të kryejë fazën e terapisë.<br /><br />Pas apelit në fb të ish-deputetit të PS-së Fatmir Toçi duket se në QSUT janë paraqitur shumë vullnetarë të cilën kanë dhuruar gjak për shkrimtarin e njohur, Fatos Kongoli.<br /><br />Ora News bisedoi me botuesen e shkrimtarit, Irena Toçi, e cila pohoi se që nga dita e enjte gjendja shëndetësore e shkrimtarit Kongoli paraqitet më e stabilizuar dhe për momentin nuk ka nevoja të tjera për gjak.<br /><br />Në dy muajt e fundit shkrimtari i është nënshtruar dy ndërhyrjeve kirurgjikale në aparatin tretës dhe është i klasifikuar me sëmundje të rëndë.<br /><br />Gjendja e dobët shëndetësore ka detyruar mjekët të ndërpresin edhe terapitë.<br /><br />Po kështu Ora News ka kontaktuar edhe me mjekun kirurg që po merret me shëndetin e shkrimtarit, Edmond Çeliku, i cili u shpreh se përpos nevojës për gjak, ai ka nevojë për mbështetje morale, pasi ndodhet vetëm dhe larg vëmendjes së njerëzve.<br /><br />Kongoli na ka dhënë shumë dashuri në kohë të vështira, ndërkohë që ai sot ka nevojë thjesht për mbështetjen e lexuesve të tij.<br /><br />Për më shumë lexoni në: http://www.oranews.tv/article/apeli-fatos-kongolin-shume-vullnetare-paraqiten-ne-qsut-te-dhuruar-gjak
