Subscribe në Ora News këtu http://bit.ly/1s5j7UT<br />Gjykata e Shkodres i ka lënë në burg dy të rinjtë e arrestuar për sulmin ndaj trajnerit të Vllaznisë Ernest Gjoka.<br /><br /> Seanca gjyqësore në ngarkim të Nehat Foljeta dhe Sehar Xhenje u zhvillua paradrekën e së premtes dhe pa praninë e mediave.<br /><br />Deklarimet e të rinjve përpara trupës gjykuese të kryesuar nga gjyqtari Hasan Selimi kanë qënë të njëjta me ato të dhëna përpara oficerit të policisë gjyqesore. I riu Nehat Foljeta ka pranuar se ka qënë ai që ka debatuar dhe më pas goditur teknikun shkodran Gjoka për shkak të rezultateve të dobëta që Vllaznia ka.<br /><br />"Trajnerin e kam vetëm goditur dhe kjo pasi më ofendoi dhe nuk e durova përgjigjen e tij. Nuk kam pasur thikë siç është deklaruar. Thjesht pasi e goditja u largova. Nuk më ka shtyrë askush" mësohet të ketë deklaruar Foljeta.<br /><br />Ndersa shtetasi tjetër Xhenje mohoj të ketë patur dijeni për ngjarjen.<br /><br />"Unë kam shkuar tek fusha Reshit Rusi për të marre shokun tim pas stërvitjes së Vllaznisë, por nuk kam patur dijeni për atë që kishte ndodhur. E kam mësuar më pas. Nuk kam lidhje me ngjarjen" ka përsëritur qëndrimin e tij Xhenje.<br /><br />Në përmbyllje të konkluzioneve avokati i Sehar Xhenje, Fatbardh Kadrija ka kërkuar lirimin e klientit të tij duke pretenduar se ndaj Xhenjes nuk ka prova për ta mbajtur në burg.<br /><br />Për më shumë lexoni në: http://oranews.tv/article/arrest-me-burg-te-dyshuarit-e-sulmit-kunder-ernest-gjokes
