Subscribe në Ora News këtu http://bit.ly/1s5j7UT<br /><br />Fabian Zhilla, studiues dhe ekspert i Kriminalistikës, mendon se grupet kriminale shqiptare kanë arritur të krijojnë parcelat e tyre të blerjes së kokainës në Amerikën Latine. Në edicionin qendror të lajmeve në Ora News, Zhilla u shpreh i sigurtë për ekzistencën e karteleve shqiptare në vende si Kolumbia apo Ekuadori.<br /><br />Fabian Zhilla: "Ne nuk dimë sa kartele shqiptare kanë plantacionet e tyre në Amerikën Latine. Unë mendoj që ka, por nuk dimë numrin e karteleve. Nuk dimë sa kartele janë dhe si operojnë. Pra është një kartel që furnizon grupet shqiptare këtej, apo secili nga kartelet shqiptare ka parcelat e veta<br /><br />Sipas Zhillës, rrezja e veprimit të karteleve shqiptare, shtrihet gjerësisht në Europë.<br /><br />Fabian Zhilla: "Mendoj që kemi kartele të ndryshme shqiptare që operojnë Itali dhe grupe shqiptare që operojnë në Gjermani dhe Britaninë e Madhe" <br /><br />Forma e transportit, duke përdorur edhe Maltën tregon se kemi të bëjmë edhe me një kartel kokaine në shqipëri, që nuk është hera e parë. Studiuesi shton se në këtë rast policia duhet të priste, që të kapeshin organizatorët, pasi kokat e trafikut nuk u arrestuan.<br /><br />Fabian Zhilla: "Do të duhej të pritej të kapej, le të themi deri ku shkonte dhe kush ishin organizatorët le të themi, sepse një kapje e tillë siç e shikoni, janë kapur thjesht shoferët dhe nuk janë kapur kokat"<br /><br /> Së fundmi, Zhilla tha se sasi të tilla kokaine nuk kalojnë pa mbëshetje të fortë nga segmentet shtetërore.<br /><br />Për më shumë lexoni në:<br />http://oranews.tv/article/zhilla-shqiptaret-kane-parcelat-e-kokaines-ne-ameriken-latine
