Report Tv ka siguruar këtë video ekskluzive ku është fiksuar e gjithë grabitja e postës së Rrëshenit mwngjesin e 14 shkurtit.<br />Fillimisht grabitësit shpërthejnë derën kryesore të filialit të postës.<br /><br />Me shpejtësi ata hynë brenda ambienteve të postës në orën 03 e 56 minuta e 16 sekonda.<br /><br />Kamerat e sigurisë kanë fiksuar 4 grabitësit tre prej të cilëve veshur me rroba të zeza ndërsa një tjetër me një xhup të kuq.<br /><br />Të katër grabitësit janë të maskuar dhe me doreza për mos të lënë asnjë gjurmë.<br /><br />Veprimet e para që ata ndërmarrin lidhen me identifikimin e kasafortës.<br /><br />Njëri nga 4 grabitësit pasi e ka gjetur kasafortën me ngjyrë të bardhë e rrëmben dhe largohet me shpejtësi.<br /><br />Ndërsa tre të tjerët bëjnë një kontroll të shpejtë për të identifikuar nëse ndodhej një kasafortë e dytë apo dhe para cash në sirtarë.<br /><br />Ata arrijnë të gjejnë edhe kasafortën e dytë të cilën e tërheqin zvarrë duke e nxjerrë nga posta.
