Më tepër se 2700 hektarë sipërfaqe tokë në zonën e Nënshkodrës, janë nën pushtetin e ujit pas shirave të me intensitet të lartë të dy ditëve të fundit. Niveli i ujit në lumin Drin është në rritje dhe përmbytjet po zgjerohen. Banorët flasin për situatë të vështirë.<br /><br />?Çdo gjë është e mbuluar me ujë dhe lëvizja është shumë e vështirë. Populli është i izoluar komplet dhe nuk kanë si të lëvizin."<br /><br />?Situata është edhe më keq. Nga mbrëmë ka shtuar gjysmë metër ujë.?<br /><br />?Njëri thotë dil atje, tjetri thotë dil atje... Buna gjithkund, uji gjithkund. Shtëpia tu u mbyt brenda...?<br /><br />Banorët thonë se ka pasur probleme edhe me furnizimin me ushqime si dhe me bagëtitë.<br /><br />?Për bagëti, ai që i ka, shumë problem është.?<br /><br />?Asnjëfarë ndihme...as lekë e asgjë.?<br /><br />Më emergjente situata është në Bushat dhe Dajç. Ura e Gjolulit është dëmtuar ndërsa aksi rrugor që lidh Darragjatin dhe Shirqin janë bllokuar.<br /><br />Rrugë të bllokuara raportohen edhe në Obot. Ujësjellësi i Oblikës është përmbytur dhe është jashtë funksionit për rreth 800 banorë. Në rrezik përmbytjeje është edhe Ujësjellësi Oblika 2. Forcat e Armatosura kanë vënë në dispozicion varka dhe mjete transporti për banorët ndërsa janë shpërndarë ndihma ushqimore për zonat e bllokuara.
