Subscribe në Ora News këtu http://bit.ly/1s5j7UT<br /><br />Gjashtë muaj pasi tezja e tij denoncoi në Ora News zhdukjen e 36 vjeçarit Kreshnik Beqiraj, policia e Fierit zbuloi se ai është vrarë. Autori i krimit është një shok i tij nga Kopliku, me të cilin ishte njohur në Belgjikë dhe jetonte në një shtëpi me qira në Fier. Arsyeja dyshohet për përplasje për lekët e qirasë mujore.<br /><br />Trupi i pajetë i gjetur të enjten (8 mars 2018) në Fier, i përket Kreshnik Beqirajt, një 36 vjeçari të denoncuar i zhdukur nga familjarët e tij në Ora News më 9 shtator të vitit 2017. <br /><br />Behije Jakuza: ?Di që ka qenë një djalë i urtë, i sjellshëm, korrekt. Nuk i ka rënë njeriu në qaf, çdo gjë që thonte e kryente. Ishte i gatshëm për çdo njeri. Dhe ne i lutemi shtetit të çështë e mundur që ta gjejë.? <br /><br />Plot 6 muaj më pas policia e Fierit ka arritur në përfundimin se ai është vrarë nga shoku me të cilin ndante qiranë. Autori është 32 vjeçari, Albert Zekaj, nga fshati Kalldrun i Malësisë së Madhe, që tashmë është vënë në panga dhe e ka pranuar krimin. <br /><br />Autori shok me viktimën<br /><br />Sipas policisë, Albert Zekaj, ka qenë shok me viktimën Kreshnik Beqiraj. Ata ishin njohur para tre vjetësh në Belgjikë dhe më pas kanë qëndruar në shtëpi me qira në qytetin e Fierit. <br /><br />Më datë 22.06.2017 rreth orës 23:00, Zekaj dyshohet se e ka vrarë me sende te forta Beqiraj dhe trupin e ka hedhur në afërsi të fshatit Daullas.<br /><br />Policia thotë se 32-vjeçari Zekaj, tashmë i arrestuar, gjatë marrjes në pyetje pranoi autorësinë e vrasjes dhe hedhjen e kufomës në vendin ku u gjet. <br /><br />Autori në gjendje të dehur kur kreu krimin, shkak pamundësia për të paguar qiranë<br /><br />Burime nga policia bëjnë me dije se në momentin që ka kryer krimin, autori ka qenë në gjendje të dehur pasi deri vone ka qene në nje lokal. Pasi e ka goditur me çekiç dhe është siguruar që ka vdekur, e ka marrë dhe e ka hedhur në kanal. Dyshohet se arsyeja e vrasjes ka qenë mungesa e parave për të paguar shtëpine me qira që kishin marrë në Fier. Autori ka plaçkitur edhe shtëpine ku ata të dy jetonin.<br /><br />Familja e denoncoi si të humbur<br /><br />Viktima ishte denoncuar në polici i humbur nga familjarët, por nga veprimet e kryera si dhe nga dyshimet e familjarëve, në muajin Janar 2018 Drejtoria Vendore e Policisë Fier ka nisur hetimet pasi dyshohej se ky shtetas mund të ishte vrarë ose rrëmbyer.<br /><br />Nga kryerja e veprimeve proceduriale u sekuestruan në cilësinë e provës materiale një batanije e cila kishte shërbyer për transportin e trupit, një çekiç me të cilin autori ka kryer krimin dhe mbetje të trupit të cilat u dërguan pranë Institutit të Mjekësisë Ligjore Tiranë, për ekzaminim të mëtejshëm.<br /><br />Materialet iu referuan Prokurorisë pranë Gjykatës së Shkallës së Parë Fier, për veprën penale ?Vrasje me dashje?.<br /><br />Për më shumë lexoni në:<br />http://oranews.tv/article/kufoma-ne-fier-nje-vrasje-gjakftohte-njohja-ne-belgjike-dhe-bashkejetesa
