Subscribe në Ora News këtu http://bit.ly/1s5j7UT<br /><br />Ishte zhdukur pa lënë gjurmë prej qershorit të vitit 2017. Ndërsa sot nga policia mëson se trupi i pajetë që u gjet në periferi të Fierit i përkiste djalit të tij, Kreshnikut. Policia deklaron se 36 vjeçari është vrarë nga shoku me të cilin ndante qiranë.<br /><br />Autori i arrestuar për krimin është 32 vjeçari, Albert Zekaj, nga fshati Kalldrun i Malësisë së Madhe, që tashmë është vënë në pranga dhe e ka pranuar krimin.<br /><br />Në një prononcim për Ora News babai i Kreshnik Beqirajt tregon se autorin e krimit e kishte konsideruar si djalin e vet.<br /><br />"Albertin e kisha si djalin tim. Dy djemtë ishin njohur në burg në Belgjikë. Rrinin bashkë në një shtëpi me qira në Fier. Ai nuk punonte dhe shtëpine me qera e mbante vetëm djali im. Qëndroi dy vjet me të ngrënë me të pirë. Si më iku djali të iki dhe ai. Nëse drejtësia nuk e bën këtë do ta bëjmë ne"<br /><br />Burime nga policia bëjnë me dije se në momentin që ka kryer krimin, autori ka qenë në gjendje të dehur pasi deri vonë ka qenë në nje lokal. Pasi e ka goditur me çekiç dhe është siguruar që ka vdekur, e ka marrë dhe e ka hedhur në kanal. Dyshohet se arsyeja e vrasjes ka qenë mungesa e parave për të paguar shtëpine me qira që kishin marrë në Fier. Autori ka plaçkitur edhe shtëpine ku ata të dy jetonin.<br /><br />Viktima ishte denoncuar në polici në qershor 2017 dhe në janar 2018 kishin nisur hetimet për vrasje. <br /><br />Për më shumë lexoni në:<br />http://oranews.tv/article/e-konsideroja-si-djalin-tim-babai-i-kreshnikut-flet-autorin-e-vrasjes-se-te-birit
