EKSKLUZIVE - Siç nuk mund të ndodhte as në vende me demokraci më pak të zhvilluar, gazetarët e Shqiptarja.com zbulojnë fakte të pakëndshme për lirinë e medias në Shqipëri. Komisioni Qendror i Zgjedhjeve kërkon që, para dhe gjatë zgjedhjeve, të shtrijë kontrollin dhe të aplikojë kufizime edhe mbi portalet dhe gazetat, të cilat sipas Komisionit kanë impakt të madh në zgjedhje.<br /><br />20 propozime, por 9 cenojnë lirinë e medias<br />Komisioni Qendror i Zgjedhjeve ka dërguar në Kuvend 20 propozime për ndryshimin e Kodit Zgjedhor duke krijuar një rast të paprecedent dhe të rrezikshëm për censurimin e medias. Shqiptarja.com zbardh ekskluzivisht propozimet e KQZ-së drejtuar Kuvendit të Shqipërisë. 9 prej këtyre propozimeve kanë të bëjnë me kufizimin e lirisë dhe censurimin e gazetave, portaleve dhe televizioneve.<br /><br />Sipas KQZ, paketa me propozime ka dalë gjatë problematikave të hasura gjatë punës për organizimin e zgjedhjeve të fundit parlamentare. KQZ i kërkon Kuvendit që për kontrollin e të gjithë mediave të mos ketë një afat të përcaktuar, pasi sipas KQZ partitë politike e fillojnë fushatën zgjedhore shumë kohë më parë se përcaktimi ligjor 30 ditë para datës së zgjedhjeve.
