Këta djem janë pjesë e Klubit të Regbisë Tirana, të cilët stërviten zakonisht në këtë fushë pranë Qytetit Studenti në kryeqytet. Pasioni bëri që të zhvillojnë këtë sport të rrallë në Shqipëri.<br /><br />Në grupin e lojtarëve ka edhe të huaj si turku Ogulcan Satiroglu. Ai jeton në Tiranë dhe skuadrën e regbisë e pa si një mundësi që nuk duhej humbur.<br /><br />?Është një grup shumë i mirë dhe ishte një zgjedhje e lehtë të bëhesha pjesë e tij. Besoj se do të jemi gati kur të luhet ndeshja e parë. Për të ardhmen mendoj se na duhen të tjerë lojtarë dhe mbështetje, por duhen edhe ekipe moshash?.<br /><br />Lëndimet nuk kanë munguar, por për nuk është problem.<br /><br />?Kam pasur edhe dëmtime, por jam sërish këtu. Prindërit i kam mjekë kështu që ku ka më mirë?.<br /><br />Në fillim të muajit të ardhshëm do të luajnë takimin e parë zyrtar në një turne si Superliga Ballkanike. Shorti i vendosi përballë skuadrës greke Attica Rhinos dhe ajo serbe Radnicki Nis.<br /><br />?Pavarësisht se ekipi Rhinos ka më shumë përvojë dhe renditen në vendin e dytë në Greqi, besoj se do të arrijmë diçka dhe kemi dhe shanse për t?i mundur. Ekipi serb ka më shumë eksperiencë, por ne do të japim maksimumin si gjithmonë?.<br /><br />Përvoja e krijuar gjatë këtyre viteve, po i shtyn këta djem të hedhin edhe hapin drejt organizimit të skuadrës përfaqësuese të Shqipërisë.<br /><br />?Ne shpresojmë që pas 1 viti ose 2 të zhvillojmë ndeshjen e parë si Kombëtare dhe më pas hapet rruga për kualifikueset në Europian dhe Botëror?. <br /><br />Regbija në Shqipëri nuk është më një sport që të ndiqet vetëm në televizor apo internet, por një disiplinë që hedh hapat në fushë.<br /><br />Tv Klan
