Subscribe në Ora News këtu http://bit.ly/1s5j7UT<br /><br />Të shtunën puna për ndërtimin e Hidrocentralit të Dragobisë ishte ndalur, por ishin pikërisht pamjet mbi lumin Valbonë që vendosën përballë për herë të parë ekspertët dhe banorët e zonës me kompaninë Gener 2. Pjesë e takimit që u zhvillua në Bajram Curri ishte edhe ambasadori amerikan Donald Lu dhe ai i OSBE Bernd Borchard, të cilët mbërritën në qytetin verior mbrëmjen e së premtes.<br /><br />Ambasadorët u treguan të kujdesshëm në deklarata duke qëndruar neutral me palët por vlerësuan dialogun si hap pozitiv.<br /><br />Donald Lu: Shpresojmë që diskutimet do të çojnë në dialog afatgjatë që u lejon të treteve të punojnë së bashku për zhvillimin dhe mbrojtjen e burimeve natyrore të Shqipërisë dhe një nga parqet kombëtare më të bukur të Shqipërisë.<br /><br />Bernd Borchard: Ndërtimi i HEC-eve krijon zhvillim të qëndrueshëm, sjell përmirësim nga ana e biznesit dhe teknologjisë, mundëson dhe elektrifikim. Problemi është si ti bëjmë këto cështje të thjeshta, kjo mund të bëhet vetëm përmes një dialogu të hapur me ekspertë, akademikë dhe banorë.<br /><br />Por për banorët dhe ekspertë të mjedisit takimi informues është i vonuar. Sipas tyre HEC-et do të dëmtojnë biodiversitetin dhe do të largojnë turistët.<br /><br />Banorja: Nuk do ketë zhvillim të ekonomisë lokale për shkak se pjesa kryesore i zhvillimit ekonomik të zonës ka qenë zhvillimi i turizmit.<br /><br />Banori: Njerëzit nuk janë të interesuar për të parë turbina, kanale betoni por për të parë luginën e mrekullueshme të Valbonës dhe lumin më të bukur të Shqipërisë.<br /><br />Banori: Ky takim që bëjmë ne sot, ose bashkëbisedim duhej të ishte bërë në fillim dhe jo pasi kanë kryer 80% të punimeve.<br /><br />Për më shumë lexoni në: http://oranews.tv/article/hec-ne-valbone-lu-jep-mesazhin-e-qeverise-amerikane-dialog-te-hapur
