Subscribe në Ora News këtu http://bit.ly/1s5j7UT<br /><br />Aksidenti i ndodhur dje në Skrapar shkaktoi plagosjen e 10 nxënësve që po udhëtonin në mikrobusin e përmbysur. Nxënësit protagonistë të aksidentit të ndodhur ne Vërzhezhë të Skraparit tregojnë ngjarjen e tmerrshme:<br /><br />"Makina u rrokullis katër herë pasi doli nga rruga dhe përfundoi në perrua. Kemi përjetuar momente të vështira, frike."<br /><br />Kështu shprehet Erika Kuqali, 16 vjeçe, e cila ka pësuar një frakturë në shpatull dhe është një prej 10 nxënësve që udhëtonin nga fshati Vërzhezhë, drejt qytetit të Çorovodës, pasi në fshat nuk ka shkollë të mesme.<br /><br />Së bashku me të në dhomën e spitalit ndodhet dhe Anxhela Kapllani, e cila ka pësuar një frakturë në këmbë. Ajo thotë se: "Në makinë në momentin që mikrobuzi doli nga rruga në te ndodheshin rreth 26 persona, të gjithë nxënës shkolle".<br /><br /> Nga ana e saj policia e Beratit deklaroi se mbrëmjen e djeshme arrestoi drejtuesin e mjetit, "për shkelje të rregullave të qarkullimit rrugor".<br /><br />Për më shumë lexoni në:<br />http://oranews.tv/article/aksidenti-ne-skrapar-nxenesit-rrefejne-tmerrin-furgoni-u-rrokullis-4-here
