Subscribe në Ora News këtu http://bit.ly/1s5j7UT<br /><br />Dita e Verës është një festë pagane e trashëguar ndër breza bashkë me disa rituale specifike, që vijojnë të respektohen edhe pse të përshtatura me kohët që jetojmë.<br /><br />Dikur dedikimet i kushtoheshin n perëndisë Diana, në faltoren e Zanës së Çermenikës, një zonë kjo në Librazhd, por ato praktikohen për një jetë më të mirë, të mbushur me gëzim, dashuri dhe begati.<br /><br />Festimet që kulmojnë më datë 14 mars, paraprihen nga rituali i zjarreve të mesnatës, i cili simbolizon largimin e dimrit dhe paganët dikur besonin se i jepte forcë diellit.<br /><br />Qindra qytetarët iu bashkuan këtij rituali në qytetin e Korçës.<br /><br />Pasi kapërcyen zjarrin që besohet se largon të keqen, qytetarët u larguan me urime për njëri tjetrin<br /><br />Qytetar: ?Ka shekuj që është traditë. Ndryshe quhej ?xhakalanë? në kohën e hershme dhe tani i themi ?zjarri i ditës së verës?? <br /><br />Qytetar: ?Njerëzit e festojnë që të kenë një behar të mbarë?<br /><br />Por në Kukës, tradita po devijohet, pasi në vend të druve e shkurreve, të rinjtë i kanë zëvendësuar me goma, të cilat shkaktojnë ndotje dhe sfumojnë kështu pastërtinë që stina e luleve pritet të sjellë.<br /><br />Të tjera rite nisin në orët e para të mëngjesit kur një anëtar i familjes mbush ujë të freskët dhe fusin në shtëpi bar të njomë.<br /><br />Veç kësaj, ditën e verës, lidhet në dorë një ?verore? që është si byzylyk i formuar prej një fijeje të kuqe dhe një fijeje të bardhë.<br /><br />Familjet presin vizita dhe më pas organizojnë piknik në natyrë<br /><br />Për më shumë lexoni në:<br />http://oranews.tv/article/ritet-e-dites-se-veres
