Policia e Tiranës ka zbardhur disa vjedhje të ndodhura në kryeqytet, si dhe ka ndaluar një person e ka shpallur në kërkim dy bashkëpunëtorët e tij. Gjatë operacionit të koduar "Shëtitësit", u ndalua 27-vjeçari Eriol Pane. Ky i fundit dhe dy bashkëpunëtorët e tij M.V. 31 vjeç dhe A.L. 19 vjeç, vidhnin televizorë, materiale ndërtimi, sende parukerie, kabuj elektrik, një sërë kaçavidash dhe mjete prerëse, të cilat më pas i shisnin në qytetin e Durrësit.<br />Nga veprimet hetimore të kryera është dokumentuar me prova shkencore se shtetasit e mësipërm dyshohet se janë autorë të ngjarjeve të mëposhtme:<br />1. Më datë 13.03.2018 në Unazë të Re dyshohet se kanë vjedhur dyqanin me vegla pune si dhe disa kuti me tela të ndryshme elektrike, me ngjyra e dimensione të ndryshme në pronësi të shtetasit A.P.<br />2. Më datë 14.03.2018, në rrugën ?Sokrat Miho? në zonën e Unazës së Re në Tirane, dyshohet se kanë vjedhur një televizor, në një magazine në pronësi të shtetasit M.K.<br />3. Më datë 03.03.2018, në rrugën ?Azem Meshi?, gjatë natës dyshohet se kanë vjedhur me thyerje kasetofonin e mjetit tip ? Fiat? në pronësi të shtetasit G.S.<br />4. Më datë 06.03.2018, në rrugën ?Thoma Koxhaj? gjatë natës dyshohet se kanë vjedhur magazinën në përdorim nga shtetasi E.D., ku i kanë marrë disa vegla pune.<br />5. Më datë 08.03.2018 tek 'Astiri' dyshohet se kanë vjedhur celularin e shtetasit G.F.<br />6. Më datë 08.03.2018 në Katund të Ri, dyshohet se ne një lokal kanë vjedhur celularin e shtetasit M.V.<br />7. Më datë 12.03.2018 në rrugën ?Tre Dëshmorët?, në bodrumin e një pallati dyshohet se kanë vjedhur me thyerje punishten e duraluminit në pronësi të shtetases E. K., ku kanë marrë një gur fresibël dhe një trapan.<br />8. Më datë 13.03.2018 në rrugën ?Thoma Koxhaj?, dyshohet se kanë vjedhur një magazinë që përdorej nga shtetasi A.Z., ku kanë marrë një vinç dhe dy pompa uji.<br />9. Më datë 13.03.2018 në rrugën ?Loni Ligori?, dyshohet kanë vjedhur disa pajisje në dyqanin e shtetasit A.S.,ku kanë marrë dy makina qethje dhe një televizor plazma.<br />10. Më datë 13.03.2018 në rrugën ?Loni Ligori?, dyshohet se kanë vjedhur disa vegla pune në magazinën e shtetasit A.S., ku kanë marrë dy saldatriçe dhe 30 metër linear kabull.<br />11. Më datë 26.02.2018 në rrugën ?Panajot Pano?, dyshohet se kanë vjedhur targën e parme dhe të pasme të mjetit tip ?Honda?, në pronësi të shtetasit E.K.<br />Policia po vijon punën për zbardhjen e plotë dhe dokumentimin ligjor dhe të tjera vjedhjeve që këta shtetas dyshohet se mund të kenë kryer.
