stop.tvklan.al Nje emision satiro-investigativ nga Saimir Kodra & Gentian Zenelaj. E hene - E premte ora 20:05 @ Tvklan & KlanHD; <br /><br />Kronikë më të plotë: http://tvklan.al/stop-emisioni-139-sezoni-3/<br /><br />Një ditë më parë emisioni ?Stop? transmetoi një tjetër skandal me abuzimin e dhënies së ndihmës ekonomike.<br /><br />Pranë redaksisë kishte mbërritur një denoncim për Gazmir Qemën, i cili është pjesë e skemës së ndihmës ekonomike prej vitit 2014, ndërkohë që prej 3 vitesh ai ka emigruar sëbashku me familjen si azilkërkues në Gjermani. Pyetja që ngrihet është se kush e ka marrë ndihmën ekonomike.<br /><br />Emisioni ?Stop? investigoi këtë çështje dhe rezultoi se punonjësja e Zyrës së Ndihmës Ekonomike Kamëz, Dhurata Çali ka ndjekur procedurën e ndihmës ekonomike të familjes Qema, në këmbim të një shume prej 27 mijë lekësh të vjetra në muaj.<br /><br />Astrit Vata, drejtor i Zyrës së Ndihmës Ekonomike tregon se ndaj Dhurata Çalit është marrë administrative, duke e pezulluar nga detyra dhe se gjithashtu personat që kanë abuzuar me ndihmën ekonomike do të kthejnë paratë.<br /><br />?Ne do të presim deri në mbylljen përfundimtare të hetimeve nga organet kompetente. Paratë e marra do të kthehen në Zyrën e Shërbimit Social?, u shpreh Vata.<br /><br />Ndërsa juristi i Bashkisë Kamëz, Hakli Hoti deklaroi se do të bëjë kallëzim pë rastin në fjalë, duke iu referuar nenit 281, pika 1 e Kodit të Procedurës Penale, ku thuhet: ?Nëpunësit publikë, të cilët gjatë ushtrimit të detyrës ose për shkak të funksioneve a të shërbimit të tyre, marrin dijeni për një vepër penale që ndiqet kryesisht, detyrohen të bëjnë kallëzim me shkrim edhe kur nuk është individualizuar personi të cilit i atribuohet vepra penale?.<br /><br />Hoti shtoi: ?Duke qenë se ne sot jemi vënë në dijeni që Drejtoria e Policisë qarku Tiranë, sektori Antikorrupsion ka filluar një çështje penale, kryesisht për punonjësen tonë, do të marrim masat si zyrë juridike për të bërë kallëzimin në institucionin përkatës?.<br /><br />Çfarë transmetoi dje emisioni ?Stop? për këtë çështje:<br /><br />Gazetarja e emisionit ?Stop? tregoi se familja Qema e ka pasaportizimin në Bathore, ndërkohë që banon në Valias të Ri. Ajo iu drejtua shtëpisë së vjehrrit të tij, Fatmirit, ku banonte Gazmiri me familjen, por duke qenë se nuk u përgjigj njeri, pyeti banorët e zonës nëse kanë informacion për këtë familje.<br /><br />Banori 1<br /><br />Gazetarja ? Këtë Fatmirin këtu, e njeh ti?<br /><br />Banori 1 ? E kam komshi.<br /><br />Gazetarja ? Komshi. Arjona, Arjona?<br /><br />Banori 1 ? E ka gocë.<br /><br />Gazetarja ? Po, vajza e Fatmirit. Kam informacion që ka 3 vjet që ka ikur në Gjermani. Apo jo?<br /><br />Banori 1 ? E di, që kështu, ka ik atje. Po!<br /><br />Gazetarja ? Ka ikur në Gjermani?<br /><br />Banori 1 ? Kështu thuhet, di gjë unë?<br /><br />Gazetarja ? Kam marrë një listë këtu tek Bashkia për këto familjet që trajtohen me ndihmë ekonomike dhe një nga këto familje është edhe familja e këtij Gazmir Qemës. Di gjë nëqoftëse janë aty, apo jo?<br /><br />Banorja 2 ? Jo, ajo nuk është aty!<br /><br />Gazetarja ? Ku është?<br /><br />Banorja 2 ? Ka 3 vjet që është në Gjermani ajo.<br /><br />Gazetarja iu drejtua Zyrës së Ndihmës So...
