Subscribe në Ora News këtu http://bit.ly/1s5j7UT<br />Presidenti i Republikës, Ilir Meta, zhvilloi sot një takim me Kryeministrin e Republikës së Turqisë, Binali Yildirim, i cili gjithashtu merr pjesë në Forumin Global të Baku-së.<br /><br />Presidenti Meta vlerësoi marrëdhëniet tradicionalisht miqësore e vëllazërore, si dhe të partneritetit strategjik ndërmjet dy vendeve dhe shprehu mirënjohjen për mbështetjen që Turqia i ka dhënë shqiptarëve ndër vite.<br /><br />Në mënyrë të veçantë Presidenti Meta vlerësoi rolin dhe kontributin e dhënë nga agjencia shtetërore turke për bashkëpunim dhe koordinim, TIKA, e cila është e pranishme dhe e ka shtrirë aktivitetin e saj mbështetës në të gjithë vendin.<br /><br />Presidenti Meta vlerësoi gjithashtu se Turqia është një nga partnerët kryesorë ekonomik e tregtar për Shqipërinë dhe nënvizoi se, mundësitë e rritjes së këtij bashkëpunimi, si në aspektin tregtar, ashtu edhe atë të investimeve të drejtpërdrejta turke, që po rriten në mënyrë që qendrueshme, janë të mëdha.<br />Për më shumë lexoni në:<br />http://oranews.tv/article/meta-takon-kryeministrin-turk-turqia-partnere-kryesore-ekonomike
