Marjana Cmeta, nusja që vrau vjehrrën një vit më parë, është lënë në burg nga Gjykata e Krimeve të Rënda për akuzën e vrasjes për shkak të marrëdhënive familjare.<br /><br />E njëjta masë u dha edhe hoxhën Hysen Shehu, ku 21-vjeçarja rrëfeu krimin. Gjithashtu në qeli do të qëndrojë edhe vjehrri i vrasëses, Agim Lami dhe nipin i tij Arben Saliu për moskallëzim krimi.<br /><br />Marjana Cmeta nuk ka thënë asgjë në sallën e gjyqit duke vendosur të flasë në një tjetër moment.<br /><br />Ndërsa hoxha Hysen Shehu i ka thënë Gjykatës se nuk e lejonte feja që të denonconte.<br /><br />Ai u shpreh se e kishte xhiruar rrëfimin e 21-vjeçares për të mos patur keqkuptime gjatë kohes që ajo kishte shkuar për të folur me të për problemet që kishte.<br /><br />Ndërsa Agim Lami dhe Arben Saliu nuk kanë dashur të sqarojnë pozicionin e tyre para gjykatës.<br /><br />Krimi u zbulua gati një vit pasi kishte ndodhur. Marjana Cmeta, sipas prokurorisë, nuk kishte marrëdhënie të mira me vjehrrën, pasi dyshonte se ishte një magjistare dhe i bënte keq.<br /><br />Ne 30 Prill të vitit të kaluar ajo i ka hedhur helm në një gotë me lëng frutash. Lirije Lami nuk vdiq nga helmi, dhe Cmeta e ka mbytur me duart e saj.
