Subscribe në Ora News këtu http://bit.ly/1s5j7UT<br /><br />Hetimet në bashkinë e Lezhës kanë nisur në vitin 2017 kur në prokurori u denoncuan rastet e tjetërsimit të pasurive.<br /><br />Pas plotësimit të dosjeve në pranga u vendosën 12 persona, ndër të cilët dhe kryebashkiaku Fran Frrokaj. Në kërkim janë shpallur dhe 11 persona.<br /><br />Mara: Në bashkëpunim me njëri-tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur ?Rana e Hedhun?.<br /><br />Por operacioni nuk përfundon këtu.<br /><br />"Ka raste të tjera ndjekje, por për efekt sekreti hetimor".<br /><br />Sipas drejtorit të policisë së Lezhës, Ferdinand Mara, sipërfaqja bregdetare u kthye në tokë bujqësore për tu ndarë në mënyrë të pa drejtë.<br /><br />Mara: Nga ana e Bashkisë Lezhë dhe e Këshillit të Qarkut Lezhë, nëpërmjet shkresave përkatëse zyrtare pavarësisht se në realitet janë mal dhe ranishte janë konfirmuar si toka të kategorisë ?Arë? dhe ?Pemtore?.<br /><br />Drejtuesit e Bashkisë Lezhë, duke i paraqitur si tokë bujqësore, kanë dërguar edhe një vendim të falsifikuar në emër të Këshillit të Qarkut Lezhë, si dhe personat e sipërcituar përvetësues të këtyre pronave, janë trajtuar me parë me tokë sipas ligjit 7051 dhe disa nuk janë banorë të zonës.<br /><br />Për këtë qëllim, duket se të gjithë të akuzuarit ishin përfshirë në një skemë bashkëpunimi.<br /><br />Mara: Pas regjistrimit të këtyre pasurive në Zyrën Vendore të Pasurive të Paluajtshme Lezhe, në një kohë shumë të shkurtër, përfituesit e paligjshëm, e kanë tjetërsuar pronësinë, duke e shitur me çmime simbolike në emër të personave të tjerë apo edhe të lidhjeve të tyre familjare, sipas kontratave te bllokuara.<br /><br />Për më shumë lexoni në: http://oranews.tv/article/pervetesuan-234-ha-toke-tek-rana-e-hedhun-provat-qe-implikojne-kryebashkiakun-frrokaj
