Subscribe në Ora News këtu http://bit.ly/1s5j7UT<br />Ministri i Turizmit dhe Mjedisit, Blendi Klosi, kreu i Këshillit të Europës në Tiranë, Claus Neukirch dhe të rinj të komuntetit rom mbollën 150 pisha të reja në Krastë të Elbasanit.<br /><br />Nisma është pjesë e programit të gjelbërimit me 20 milionë e 200 mijë pemë deri në vitin 2020, por nga ana tjetër edhe një inisiativë për të inkurajuar të rinjtë që të mbrojnë mjedisin.<br /><br />Ministri Klosi tha se për të rritur tek të rinjtë sensibilizimin për mjedin në të gjitha nivelet e arsimit do të hyjë kurrikula për edukimin mjedisor.<br /><br />Klosi: Përgatitja e një kurrikule pranë shkollave për të edukuar fëmijët dhe të rinjtë me një dashuri më të madhe për natyrën , për një mjedis të përbashkët të cilin ne duhet ta mbrojmë me çdo kusht, është pjesë e punës sonë. Shumë shpejt ne do të kemi një program të posaçëm për të pasur kurrikula për edukimin mjedisor që nga klasat e para të shkollave deri në universitete.<br /><br />Me rëndësi për Këshillin e Evropës është promovimi i të drejtave të njeriut, demokracisë dhe ligjit dhe në të njëjtën kohë Claus Neukirch apelon për pjesëmarrjen e romëve në veprime të tilla të komunitetit dhe angazhimin e tyre të mëtejshëm në nivel lokal.<br /><br />Për më shumë lexoni në: http://www.oranews.tv/article/klosi-kurrikula-edukimin-mjedisor-se-shpejti-ne-te-gjitha-nivelet-e-arsimit
