Subscribe në Ora News këtu http://bit.ly/1s5j7UT<br />Euro ka arritur nivelin më të ulët kundrejt lekut shqiptar në 10 vitet e fundit.Të dhënat e Bankës së Shqipërisë tregojnë se një euro po shkëmbehet aktualisht me 131 lekë, e cila është edhe vlera më e vogël për këtë vit. Ky zhvlerësim lidhet me qarkullimin e ulët të lekut në ekonomi dhe me nismën për de-euroizimin.<br /><br />Euro vijon që të humbasë pikë kundrejt lekut shqiptar. Aktualisht në tregun e këmbimit valutor një euro po shkëmbehet me 131 lekë duke arritur nivelin më të ulët në 10 vitet e fundit.<br /><br />Zhvlerësimi i euros është mjaft i ndjeshëm edhe me fillimin e këtij viti, pasi në janar një euro shkëmbehej me 134 lekë ndërsa aktualisht shkëmbehet vetëm me 131 lekë.<br /><br />Kjo situatë sipas ekspertëve vjen nga oferta e lartë në valutë, qarkullimi i ulët i lekut në ekonomi, si dhe afrimi i datës së fundit për pagesën e TVSH-së.<br /><br />Por efekte në nënçmimin e euros ka gjithashtu edhe nisma e Bankës së Shqipërisë për de-euroizimin e ekonomisë shqiptare e cila ka dhënë efekte psikologjike por njëkohësisht edhe një shmangie më të madhe të aktorëve të tregut ndaj monedhës europiane.<br /><br />Pritshmëritë për muajt në vijim janë që euro të vijojotë të dobësohet duke qenë se po afron vera dhe ardhja e turistëve por edhe rikthimi i emigrantëve do të ndikojë në rritjen e qarkullimit të euros në ekonominë shqiptare.<br /><br />Por cilët preken nga zhvlerësimi i euros? Eksportet shqiptare dëmtohen ndërsa përfitojnë importuesit dhe individët që kanë kredi në euro.<br /><br />Për më shumë lexoni në: http://oranews.tv/article/euro-ne-pikiate-zbret-ne-nivelin-me-te-ulet-ne-10-vitet-e-fundit
