Arrestimi i kryebashkiakut demokrat të Lezhës, Fran Frrokaj hap mundësinë e shkarkimit të tij dhe zhvillimin e zgjedhjeve të parakohshme lokale në Lezhë. Kushtetuta i njeh të drejtën Këshillit të Ministrave të shkarkojë një kryetar bashkie në rast të shkeljeve të rënda të ligjit.<br />Neni 115 i Kushtetutës thotë:<br />?1. Organi i zgjedhur drejtpërdrejt i njësisë qeverisëse vendore mund të shpërndahet ose të shkarkohet nga Këshilli i Ministrave për shkelje të rënda të Kushtetutës ose të ligjeve.<br /><br />2. Organi i shpërndarë ose i shkarkuar mund të ankohet në Gjykatën Kushtetuese brenda 15 ditëve, dhe në këtë rast vendimi i Këshillit të Ministrave pezullohet.<br /><br />3. Në rastin e mosushtrimit të së drejtës së ankimit brenda 15 ditëve, ose në rastin e lënies në fuqi të vendimit të Këshillit të Ministrave nga Gjykata Kushtetuese, Presidenti i Republikës cakton datën e zgjedhjeve në njësinë vendore përkatëse?.<br /><br />Kushtetuta nuk përcakton qartë se kur është momenti që kryeministri dhe qeveria veprojnë, nëse ata mund ta shkarkojnë kryebashkiakun edhe pa pasur një vendim fajësie nga gjykata. Shembujt e deritanishëm kanë qenë të ndryshëm dhe Edi Rama ka vepruar ndryshe në raste të ndryshme.
