http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Pas arrestimit te 39 personave dhe shpalljes ne kërkim te 12 te tjerëve, si pjese e 7 grupeve kriminale qe realizonin trafikimin e personave nga Shqipëria drejte Shteteve te Bashkuara te Amerikës, Kanadasë dhe Anglisë, Prokuroria e Krimeve te Renda ka nisur fazën e dyte, atë te verifikimit te pasurive të të arrestuarve.<br /><br /><br /><br />Nisur nga fakti se për një person te trafikuar, shumat varionin nga 7 mije paund deri ne 30 mije dollarë, ka dyshime se një pjese e madhe e fitimeve te grumbulluara, mund te jene investuar ne Shqipëri.<br /><br /><br /><br />Për këtë arsye, ne siten e hetuesve do kalojnë jo vetëm personat e ndaluar, por edhe familjaret e tyre.<br /><br /><br /><br />Ne te njëjtën kohe veç arrestimeve te kryera, është duke vijuar puna për gjurmimin dhe arrestimin e 12 personave te shpallur ne kërkim, te cilët sipas te dhënave te Policisë, janë jashtë territorit te Shqipërisë dhe qe prej andej ndihmonin rrjetin e trafikimit.<br /><br /><br /><br />Ne ndjekje te tyre janë vene policet e shteteve me te cilat Shqipëria bashkëpunoi ne këtë operacion.<br /><br /><br /><br />Prokuroria e Krimeve të Rënda ndërkohë ka dyshime edhe për të tjerë persona të implikuar në këtë trafik të përmasave të mëdha. Fakti se mes të arrestuarve janë edhe 4 punonjës policia ngre pikëpyetje për veprimtarinë e tyre që mund të jetë kryer edhe në dijeni të oficerëve të tjerë në pikat kufitare.
