Subscribe në Ora News këtu http://bit.ly/1s5j7UT<br /><br />12 kishat post bizantine në Voskopojë e Vithkuq, të përfshira në listën e 7 monumenteve më të rrezikuara në Evropë për vitin 2018, po përballen me degradimin e ndërtesave, afreskeve por dhe vjedhjet.<br /><br />Të njohura për vlerat unikale, shumë prej afreskeve kanë pësuar dëmtime të konsiderueshme, sikurse edhe edhe vete kishat e ndërtuara në shekujt 17-18-të.<br /><br />Kliti Kallamata, drejtues i fondacionit "E shkuara për të ardhmen?, që ka ndjekur procedurat për përfshirjen e këtyre monumenteve të kulturës në listën e Europa Nostra, tregon se situata është shqetësuese.<br /><br />Kallamata: Të gjitha çatitë e atyre kishave rrjedhin dhe pikojnë. Këto ujëra filtrojnë në afreske. <br /><br />Edhe pse janë një atraksion për turistët, një pjesë e këtyre kishave qëndrojnë të mbyllura, pasi sipas Kallamatës kanë nevojë për restaurime të specializuara.<br /><br />Kallamata: Gjendja e tyre ka ardhur duke u rënduar nga viti në vit. <br /><br />Vjedhjet dhe dëmtimet me dashje janë një tjetër rrezik për këto kisha, pasi asnjë prej tyre nuk ka kamera sigurie apo sisteme alarmi.<br /><br />Kallamata: Shikojmë mundësitë për të thithur fonde dhe donator. Është një rast i mirë.<br /><br />Përfshirja në listën 7 siteve më të rrezikuara në Europë, jep shpresë për ndërhyrje të plota në këto objekte të trashëgimisë kulturore, pasi muajin tjetër ata do të vizitohen nga ekspertët e organizatës Evropa Nostra, për të hartuar plane konkrete ndërhyrjeje.<br /><br />Për më shumë lexoni në:<br />http://oranews.tv/article/rreziqet-kishat-bizantine-te-voskopojes
