Subscribe në Ora News këtu http://bit.ly/1s5j7UT<br /><br />Në Shkodër uji po shtrin territorin e tij duke mos kursyer më asgjë.<br /><br />Sipërfaqe të tëra janë të përmbytura, pasi niveli është rritur me mbi 50 cm në më pak se 12 orë.<br /><br />Në fshatin Obot në tre shtëpi ka prezencë uji, në Muriqan nga uji janë prekur pesë banesa ndërsa 4 të tjera në lagjen "Gallube".<br /><br />Në brendësi të fshatit mbizotëron heshtja dhe duket sikur frenat e komandimit tashmë i ka marrë uji, që për këto familje është kthyer në mysafirin e padëshiruar. Demet janë kolosale dhe zhurma e vetme që prish qetësinë, është ajo e motorrit të varkës, mjetit të vetëm që mundëson komunikimin e Obotit me pjesën tjetër të territorit.<br /><br />20 minuta zgjat një udhëtim me varkë nga rruga kryesore e deri në brëndësi të fshatit, aty ku 200 shtëpi janë të izoluara. Për demet as që mund të flitet, pasi kanë kapur miliona lekë.<br /><br />Në situatë të rëndë gjendet edhe Dajçi, aty ku sipërfaqja e përmbytur ka shkuar në rreth 1 mijë hektarë. Uji po bllokon edhe rrugën kryesore Dajç ? Velipojë, ku komunikimi nëse vijon ky trend i rritjes së nivelit, do të mund të kryhet vetëm me mjete të ushtrisë.<br /><br />Në fshatin Shirq janë të bllokuara nga uji 28 familje, në fshatin Mushan 4 familje dhe në fshatin Darragjat 4 familje.<br /><br />Gjovalin Darragjati, administrator i Dajçit: Do t'i bësha thirrje autoriteteve të shpallin gjendjen e emergjencës.<br /><br />Shkarkimet nga HEC Vau Dejës kanë shkuar në mbi 1 mijë meter/kub për sekond pa 5 agregatet në punë. Në ujë janë edhe 530 hektarë në Berdicë, lagjet periferike të Shkodres "Ajasëm" dhe "Livadhe", si dhe rrethinat. Nga rezervat e shtetit kanë mbërritur edhe 100 shtretërit e parë dhe 18 çadra që janë vënë në dispozicion të bashkisë së Shkodrës në rast se do të lindë nevoja për të evakuuar familje nga këto njësi administrative.<br /><br />Për më shumë lexoni në:http://oranews.tv/article/ne-obot-qarkullohet-vetem-me-varka-200-banesa-te-izoluara
