Zbulohet skema dhe harta me itinerarin e trafikut të mbi një mijë shqiptarëve në drejtim të SHBA-së, Kanadasë dhe Anglisë. Banda me 51 persona të përfshirë në 7 grupe kriminale, nga të cilët 39 trafikantë u arrestuan dhe 12 janë në kërkim përdornin disa rrugë për trafikun e klandestinëve.<br /><br />Report Tv ka siguruar hartën me itineraret e trafikut. Grupet kriminale dërguan mbi një mijë shqiptarë në SHBA, Kanada dhe Angli përmes shumave nga 7 mijë paund, deri te 30 mijë dollarë. Rreth 200 persona janë dërguar drejt Britanisë ndërsa 800 të tjerë në SHBA dhe Kanada.<br />Itineraret që përdornin trafikantët për emigrantët<br />Rruga e parë; Shqipëri- Itali ? Francë- Meksikë, SHBA<br />Rruga e dytë; Shqipëri ? Mali i Zi-Serbi- Gjermani-Spanjë, pikërisht nga shteti i iberik kishte katër rrugë për të shkuar në Kanada, SHBA dhe Angli.<br />Pas arritjes në Spanjë, për të shkuar në SHBA rruga e parë ishte përmes Meksikës, rruga e dytë nga Kosta Rika me destinacion Amerikën. Ndërsa sërish nga Spanja trafikoheshin klandestinët direkt për në Angli.<br />Nga Spanja për të arritur në Kanada përdoreshin dy rrugë, direk ose përmes Panamsë.<br />Rruga e tretë; Shqipëri-Kosovë- Bullgari për të arritur në Spanjë dhe më pas në SHBA-Angli-Kanada, ose Shqipëri-Kosovë-Belgjikë-Republika Domenikane-Kanada.
