Subscribe në Ora News këtu http://bit.ly/1s5j7UT<br /><br />Shpesh herë afatet e punimeve për rikonstruksione nuk zbatohen. I tillë është edhe rasti i shkollës profesionale "Ali Myftiu" në Elbasan që emisioni BOOM ka trajtuar sot.<br /><br />Tenderi për rikonstruksionin e kësaj shkolle është fituar nga kompania Alko Impex shpk dhe ka një vlerë prej 97, 891, 872 lekë me TVSH dhe data e lidhjes së kontratës është 22.05.2017.<br /><br />Por tabela e punimeve të rikonstruksionit të kësaj shkolle që gjendet në hyrje të saj, njofton për afatin 9 mujor për përfundimin e punimeve.<br /><br />Nga një llogaritje e thjeshtë, del që afati ka përfunduar më 22 shkurt, por punimet në shkollë ende vazhdojnë. Shkollat profesionale janë specifike, pasi kanë edhe laboratorë, pra e zhvillojnë ndryshe nga shkollat normale procesin mësimor, kështu që zgjatja e afatit të punimeve , do të thotë rrjedhimisht dhe një vit shkollor jo në kushtet optimale të realizimit të procesit mësimor.<br /><br />Nga një vëzhgim i bërë nga kamera e BOOM brenda ambienteve të kësaj shkolle shihet qartë se punimet vazhdojnë ende. Ajo që bie në sy është fakti që edhe pse afati ka përfunduar, brenda janë vetëm tre punëtorë.<br /><br />Tenderi është fituar në muajin maj, por punimët për rikonstruksionin e shkollës kanë nisur në muajin shtator të 2017.<br /><br />Drejtoresha e shkollës "Ali Myftiu" tha se në maj dhe qershor nuk filluan punimet për shkak të zgjedhjeve. <br /><br />Ndërsa përfaqësuesi i firmës ALKO IMPEX tha se shtyrja e afateve ka ndodhur për shkak të disa ndryshimeve të projektit nga ministria, dhe se shumë shpejt do të përfundojnë punimet.<br /><br />Për më shumë lexoni në: http://www.oranews.tv/article/tenderi-shkollen-boom-nuk-zbatohen-afatet-perfundimin-e-rikonstruksionit
