Subscribe në Ora News këtu http://bit.ly/1s5j7UT<br />Një çift bashkëshortësh u dhunuan dhe u grabitën në banesën e tyre në Gjirokastër nën kërcënimin e një thike nga një person që arriti të largohet pasi i mbylli brenda dhe u mori çelësin.<br /><br />Ngjarja u regjistrua rreth orës 09:30 të mëngjesit të sotëm në lagjen "Dunavat i dytë" në banesën e familjes Ceribashi.<br /><br />Burimet thanë se autori i maskuar dhe i pajisur me një thikë ka shfrytëzuar momentin kur kryefamiljari kishte dalë nga banesa dhe është futur brenda, ku është përballur me bashkëshorten e tij, Liljana Ceribashi.<br /><br />Ai e ka goditur dhe e ka kërcënuar në kërkim të parave, por në këtë kohë është kthyer kryefamiljari Astrit Ceribashi i cili është përleshur me hajdutin.<br /><br />Në këto kushte dhe nën kërcënimin e thikës, hajduti ka marrë çelësin e shtëpisë dhe i ka mbyllur brenda banesës bashkëshortët dhe më pas është larguar me shpejtësi. Policia po punon për identifikimin e tij.<br /><br />Vjedhjet e banesave në fakt janë kthyer në shqetësim në disa rrethe.<br /><br />Pesë raste janë regjistruar në 5 ditët e fundit në qytetin e Kuçovës, ndërsa policia nuk ka arritur të identifikojë dhe arrestojë asnjë autor.<br />Për më shumë lexoni në:<br />http://www.oranews.tv/article/vidhet-nje-banese-ne-gjirokaster
