Subscribe në Ora News këtu http://bit.ly/1s5j7UT<br /><br />Në një raport prej 13 faqesh, Komisioni Qëndror i Zgjedhjeve i ka përcjellë Komisionit të Posaçëm Parlamentar disa propozime të rëndësishme në lidhje me reformën zgjedhore.<br /><br />Të ndara në disa kategori, ku më kryesoret ishin forcimi i sistemit zgjedhor, financimi i partive politike dhe për pasqyrimin e fushatës në media, Komisioni Qëndror i Zgjedhjeve propozon që në zgjedhjet e ardhshme vendore sistemi zgjedhor të jetë proporcional në nivel bashkie.<br /><br />Pra votimi të bëhet me një fletë duke votuar vetëm për partinë dhe jo për kandidatin.<br /><br />"Një sistem zgjedhor proporcional vendor do përforconte efektin dhe do i plotësonte më shpejt objektivat politiko ligjore të sistemit zgjedhor të ri; Një sistem unik votimi për zgjedhjet vendore do të thotë një votim, në vend të dy votimeve që kemi sot, një fletë votimi në vend të dy fletëve".<br /><br />Kjo do të thotë që kryetarin e bashkisë nuk e zgjedhin direkt qytetarët por këshillatrët bashkiakë që përbëjnë shumicën.<br /><br />Qëllimi i kësaj sipas KQZ është të eliminojë dualitetin e pushtetit Kryetar - Këshill Bashkiak, i cili jo në pak rastë është bërë burim konfliktualiteti ose krizash qeverisjeje në nivel lokal.<br /><br />"Demokracia vendore në Shqipëri dukshëm ndjen sot nevojën për rritjen e përgjegjësive dhe rolit të këshillave, shndërrimit të tyre në ?parlamente? të mirëfillta vendore, si dhe shndërrimin e kryetarëve në ?ekzekutiv? të mirëfilltë, i cili votëbesohet dhe eventualisht humb votbesimin e këshillit". <br /><br />Për më shumë lexoni në: http://oranews.tv/article/rekomandimi-i-kqz-zgjedhjet-vendore-me-sistem-proporcional-te-votohet-me-1-flete
