Policia ka kryer një operacion të gjerë në Shijak, ku në shënjestër ishin personat që posedojnë armë pa leje, ata me precedentë penalë dhe shpërndarësit e lëndëve narkotike. Në kuadër të këtij aksioni, që ka si qëllim rritjen e parametrave të sigurisë, janë sekuestruar armë dhe municione luftarake, si dhe ka rënë në pranga një person.<br /><br />Policia njofton se ka arrestuar shtetasin Ervin Çizmja, 31 vjeç, banues në Shijak, ndërsa gjatë kontrollit në banesën e tij janë gjetur dhe sekuestruar në cilësinë e provave materiale:<br /><br />? një armë zjarri pistoletë TT model 54, kalibër 7.62 mm me kreher;<br /><br />?një armë gjahu teke;<br /><br />? 261 copë fishekë model 54 kalibri 7.62 mm;<br /><br />?një silensiator arme zjarri me gjatësi të pergjithshme 23 cm;<br /><br />? një gjerdan me fishekë arme gjahu me kalibër 12 mm me 28 fishekë.
