Ndotja akustike nga lokalet e natës është një problematikë e kahershme dhe mjaft shqetësuese për qytetarët. Baret me muzikë të lartë deri në oret e para të mëngjesit janë vënë shpesh në objektivin e inspektorëve duke i gjobitur por fenomeni nuk ndalet.<br /><br />"Për t'i dhënë zgjidhje këtij problemi, duhet të aktivizohet Task-Forca sipas udhëzimit numër 2, datë 25/07/2012 që drejtohet nga Prefekti, ku marrin pjesë specialistë nga Instituti i Shëndetit Publik, inspektorë të Mjedisit, nga policia bashkiake, nga policia e shtetit, nga Inspektoriati i Punës, dhe kjo të jetë diçka e vazhdueshme dhe jo me aksione", thotë Enver Halipaj, inspektor i ISHMP.<br /><br /><br /><br />Inspektorët mjedisor, ashtu si edhe ato të Policisë Bashkiake, nuk mund të veprojnë në asnjë rast pa matjet e nivelit të ndotjes nga Instituti i Shëndetit Publik. Për të vënë nën kontroll situatën, specialistët janë të mendimit se duhen ndryshime ligjore.<br /><br />"Ai inspektoriat që bën kontrollet në terren, të ketë të drejtën të bëjë edhe matjen e nivelit të zhurmave me pajisje të akredituara. Duhet bërë ashpërsim i gjobave, se gjobat aktuale janë të vogla, janë 30 mijë deri në 50 mijë Lekë. Duhet të vihen gjobat 3 milionë Lekë, 5 milionë Lekë".<br /><br />Edhe ministri i Mjedidit dhe Turzimit Blendi Klosi me anë të një udhëzimi iu ka kërkuar 61 Bashkive në vend që të bëjnë hartën e zonave sa i takon këtij problemi, për të përcaktuar se ku do të lejohen që këto biznese të ushtrojnë aktivitetin dhe kushtet të cilat duhet të plotësojnë.
