Prej kësaj të mërkure nisi zyrtarisht aplikimi i tarifës për kalimin në Rrugën e Kombit. Taksa aplikohet në 4 sportele të ndryshme, nga dy për çdo kah të lëvizjes dhe synimi i vendosjes së saj tarife është mirëmbajtja e këtij aksi rrugor.<br /><br />Nuk munguan protestat në këtë ditë të parë të aplikimit. Rreth 150 mjete të transportit të mallrave të bizneseve thanë se kjo është një kosto më shumë për ta. Kryetari i Bashkisë së Kukësit, Bashkim Shehu thotë se tarifa u vendos pa u konsultuar me grupet e interesit në këtë qark.<br /><br />Një motor që kalon në Rrugën e Kombit tashmë paguan 2.5 Euro, një veturë 5 Euro, autobusët dhe kamionçinat 11.2 Euro, një kamion i mesëm 16.2 Euro dhe një kamion i rëndë 22.5 Euro. Të përjashtuar nga tarifa janë patrullat e Policisë Rrugore, shërbimet zjarrfikëse dhe auto ambulancat.<br /><br />Tv Klan
