Subscribe në Ora News këtu http://bit.ly/1s5j7UT<br /><br />Ora News siguron pamjet e grabitjes në Fier, ku mbeti i vrarë grabitësi 20-vjeçar Xhuljano Sollaku dhe u plagos grabitësi tjetër Arben Muca.<br /><br />Siç shihet edhe në pamjet e videos të marrë nga kamerat e sigurisë pranë vendit të ngjarjes, grabitësit i drejtohen banesës në orën 02:23 minuta.<br /><br />6 grabitësit shihen duke ecur në rrugë çifte-çiftë me një distancë nga njëri-tjetri.<br /><br />Ora shënon 02:32 minuta, në vendngjarje mbërrin furgoni i policisë. Pas një minute, në 02:33 kamera kap dy grabitësit, Xhuljano Sollaku dhe Arben Muca teksa largohen nga banesa duke ndjekur të njëjtën rrugë nga erdhën.<br /><br />Në orën 02:34 ka shkëmbim zjarri mes tyre dhe policisë.<br /><br />20-vjeçari nga Elbasani Xhuljano Sollaku mbeti i vrarë 5 ditë më parë gjatë shkëmbimit të zjarrit me policinë në tentativë për grabitjen e banesës së Minella Muçit por qytetari nga Fieri nuk ka pasur para në shtëpi atë natë.<br /><br />Ky fakt është bërë i ditur nga burime të policisë lokale pas kontrollit të kryer në banesën që grabitësit kishin piketuar për të vjedhur më 23 mars në lagjen "29 nëntori" të Fierit.<br /><br />Dyshohet se të paktën një prej tyre është nga Fieri dhe ka orientuar shoket e tij ne banesen e Minella Mucit me mendimin se aty mund të ketë pasur sasi të konsiderueshme parash.<br /><br />Për më shumë lexoni në: http://oranews.tv/article/video-e-grabitjes-ne-fier-momenti-i-shkembimit-te-zjarrit-mes-grabitesve-dhe-policise
