Policia Rrugore dorëzohet përballë autobusëve dhe furgonëve të linjave interurbane që ndalojnë vend e pa vend në akset kombëtare, duke u kthyer shpesh në burim aksidentesh. Nga një vëzhgim i bërë përgjatë akseve rrugore nuk shikon asnjë patrullë policie e cila mund të ndëshkojë shkelësit e kodit rrugor.<br /><br />E ndërsa policia rrugore është inekzistente në këtë situatë kaotike në akset rrugore, jeta e qytetarëve është e rrezikuar seriozisht.<br /><br />Televizioni Klan e ka ndjekur prej kohësh këtë problematikë e cila vijon të jetë njësoj. Policia rrugore edhe pse paguhet nga paratë e shqiptarëve për të ndëshkuar këta drejtues automjetesh, nuk vepron. E pranon paaftësinë edhe vetë kreu i kësaj policie Mitat Tola.<br /><br />E ndërsa uniformat blu bëjnë sehir si në autostradën Tiranë-Durrës, apo në atë Lezhe-Tiranë, sheh dhjetëra autobusë dhe furgonë që ndalojnë për të zbritur dhe marrë pasagjerë sipas dëshirës së tyre.<br /><br />Jashtë të gjitha rregullave dhe në shkelje të ligjit, këto mjete të transportit publik bëhen shpesh burim aksidentesh me vdekje.<br /><br />Askush nuk e shqetëson këtë autobus që ndalon në mes të autostradës Tiranë-Durrës dhe që rrezikon të përfshihet në një aksident me kamionin që udhëton me shpejtësi në korsinë e tij.<br /><br /><br /><br />Devijimi i kamionit shmangu përplasjen.<br /><br />E njëjta situatë vërehet edhe në superstradën Lezhë-Shkodër dhe Lezhë-Tiranë.<br /><br />Ky autobus pasi zbret një pasagjere të moshuar, futet për në korsinë e shpejtësisë. Pasagjerja kalon përmes superstradës, aty ku automjetet janë më shpejtësi të lartë.<br /><br />Rrugët e Shqipërisë përgjaken thuajse çdo ditë nga aksidentet ndërsa Policia Rrugore kujdeset vetëm për shifrat e të vdekurve në raportet e saj.<br /><br />Tv Klan
