Për plot 180 minuta, Ministri i Jashtëm Ditmir Bushati ka zhvilluar një takim me homologun grek Nikos Kociaz, i cili vjen në Tiranë plot dy javë pasi Presidenti Meta firmosi autorizimin për nisjen e negociatave mes dy vendeve.<br /><br />Takimi mes Bushatit dhe Kociaz është zhvilluar kokë më kokë, por sipas njoftimit zyrtar ai kaloi në një klimë pozitive dhe bashkëpunuese, ku është folur për rezultatet e arritura deri tani nga bisedimet dy palëshe, si dhe për hapat e mëtejshme që do të ndërmerren në muajt e ardhshëm, në funksion të avancimit të procesit dhe gjetjes së zgjidhjeve të mirëpranuara për çështjet ende në diskutim.<br /><br />Në njoftim thuhet se ata i kushtuan një vëmendje të posaçme punës në proces për finalizimin e Dokumentit të Partneritetit Strategjik, në përputhje me vullnetin e palëve për të forcuar përmasat europiane të marrëdhënieve shqiptaro-greke.<br /><br />Vetë Ministri i Jashtëm, Ditmir Bushati, gjatë një deklarate për mediat, bërë përpara takimit me Kociaz-in tha se është bërë progres dhe pritet që rezultate konkrete të ketë javët e ardhshme, për çështje të cilat kanë gjetur dakordësinë e të dyja palëve.<br />Po pavarësisht se pas lëshimit të autorizimit dhe Ministri i Jashtëm Bushati ka lëshuar plotfuqishmërinë, ende nuk ka një datë zyrtare për nisjen e negociatave për marrëveshjen e detit.<br /><br />Edhe pas takimit të kësaj të enjteje mes 2 ministrave, mbetet pa një datë konkrete vizita zyrtare e Kryeministrit Aleksis Cipras, e paralajmëruar se do të zhvillohej në muajin Prill.<br /><br />Gazeta greke ?Kathimerini? raportoi se edhe vizita e Kryeministrit Cipras, e planifikuar të zhvillohej në Korçë në datën 8 Prill për Pashkët Ortodokse është shtyrë dhe shtyrja lidhet drejtpërdrejtë me ndasitë që kanë Athina dhe Tirana në bisedimet për çështjen e detit.<br /><br />Tv Klan
