Subscribe në Ora News këtu http://bit.ly/1s5j7UT<br />Banorët e Qarkut të Kukësit do ta shprehin me protestë kundërshtimin për tarifën për të qarkulluar në Rrugën e Kombit, edhe pas deklaratës së Kryeministrit Edi Rama se ata do të lehtësohen, por nuk do të përjashtohen nga pagesa.<br /><br />Qytetarë, përfaqësues të biznesit dhe këshilltarët e Bashkisë nga të gjitha partitë politike do të bëhen bashkë në vendin ku paguhet tarifa e rrugës.<br /><br />Protesta pritet të nisë në orën 11:00. Organizatorët theksuan se protesta do të jetë paqësore dhe kërkesa është heqja e taksës.<br /><br />Qytetar: "Taksa ndikon direkt në familjet tona, në jetën tonë të përditshme."<br /><br />Si një ndër qarqet më të varfëra në rang vendi, Banorët e Kukësit, thonë se tarifa prej 5 euro për të kaluar tunelin e Thirrës është shumë e shtrejtë.<br /><br />Qytetar: "Penalizuar është vetëm Kukësi, askush tjetër."<br /><br />Në Bashkinë e Kukësit, rreth 6 mijë familje trajtohen me ndihmë ekonomike, deri në 4 500 lekë, ndërsa 4 700 persona janë të papunë. <br /><br />Qytetarët thonë se kjo tarifë do ta përkeqësonte gjendjen e tyre, ndërsa tregtarët paralajmërojnë rritje çmimesh.<br /><br />Tregtar: "Do të sjellë rritje çmimesh dhe varfëri të madhe."<br /><br />Ashtu si pak ditë më parë, protestës pritet ti bashkohen edhe drejtues kamionësh dhe qytetarë nga Kosova të cilët që në fillim kanë shprehur kundërshtimin me pagesën për rrugën e Kombit.<br /><br />Për efekte negative, flasin edhe kryetarët e Bashkive të Prizrenit dhe Kukësit, teksa kërkojnë një zgjidhje lehtësuese mes qeverive të dy vendeve<br />Për më shumë lexoni në:<br />http://oranews.tv/article/taksa-rrugen-e-kombit-neser-protesta-tek-trau-i-tunelit-te-thirres
