Subscribe në Ora News këtu http://bit.ly/1s5j7UT<br />77 394 persona sipas raportit të INSTAT të 1 Janarit 2018 banojnë në Qarkun e Kukësit, që shtrihet pas traut të pagesës për qarkullimin në rrugën e Kombit, ndërsa në gjendjet civile të tre bashkive janë 117 mijë banorë ku në Kukës janë regjistruar mbi 60 mijë.<br /><br />Sipas kontratës koncensionare të 6 dhjetorit 2016, mes qeverisë shqiptare dhe konsorciumit që ka marrë përsipër mirëmbajtjen dhe përfundimin e rrugës, çdo makinë që do të qarkullojë në këtë aks do të paguajë një tarifë që varion nga 2.5 deri në 22.5 euro.<br /><br />Si të gjithë duhet të paguajnë edhe banorët e Kukësit.<br /><br />Protestues: Qëllimi i kësaj proteste është anulimi i taksës në rrugën e Kombit për qarkun e Kukësit.<br /><br />Tarifa paguhet para tunelit të kalimashit kur udhëton në drejtim të Kukësit, ose pas tij kur vjen drejt pjesës tjetër të vendit.<br /><br />Kuksianët do të duhet të paguajnë thuajse për të shkuar në cdo qytet, ndaj e kundërshtojnë ashpër pagesën të cilën e konsiderojnë taksë.<br /><br />Nësë dikush udhëton nga Kuksi drejt Tiranës me veturë atëherë, duhet të paguajë 5 euro në vajtje dhe 5 në kthim.<br /><br />Protestues: Ne kemi paguar taksë në maj, kemi paguar taksën që ka marrë Sali Berisha borxhin për ta ndërtuar këtë rrugë.<br /><br />Varfërinë, rritjen e cmimeve, izolimin, dhe deri në diskrimin janë të tjera argumente kundërshtuese.<br /><br />Protestues: Protestojmë se na kanë vënë litarin në fyt. <br /><br />Por sipas deklaratës së Kryeministrit Edi Rama shumica e këtyre shqetësimeve nuk qëndrojnë.<br /><br />Ai ka folur për masa lehtësuese dhe subvencionim tarife për banorët e Kukësit.<br /><br />Rama: Në 6 muajt e parë do përcaktohet ajo që quhet tarifa për përdoruesit e shpeshtë.<br /><br />Niveli i lartë i tarifës dhe mungesa e transparencës ishin dy argumentet kryesore të kryebashkiakut të Kukësit në kundërshtimin e pagesës për të cilin ai kërkoi zgjidhje lehtësuese.<br /><br />Shumica e pranojnë që duhet të paguhet, por jo 5 euro për një makinë 3+1.<br /><br />Në nënshkrimin e marrëveshjes, koncesionari ka detyrim mirëmbajtjen e rrugës, por edhe përfundimin e akseve të mbetura. <br /><br />Për më shumë lexoni në: http://oranews.tv/article/sa-u-kushton-banoreve-te-qarkut-kukes-tarifa-e-rruges-se-kombit
