Nuk ka ditë që nuk është njësoj.<br /><br />Të lëvizësh me makinë neper Tiranë është stres e lodhje. Duhet të kesh nerva të hekurta për të përballuar kaosin në qarkullimin rrugor. <br /><br />Në çdo rrugë ka korsi të bllokuara nga makina të parkuara dyshe. Qëndrojnë për minuta me radhë e askush nuk i shqetëson edhe pse krijojnë trafik. <br /><br />Në shumicën e rrugëve kryesore Policia Rrugore nuk është e pranishme. Edhe aty ku është nuk vepron.<br /><br />Këtu jemi në Rrugën e Shallvareve, pothuajse në gjithë gjatësinë e saj ka parkime dyshe, po ka edhe policë të qarkullimit, të cilët as nuk duan t?ia dinë ç?bëhet në rrugë dhe vihen në veprim vetëm pasi shohin kamerën e Televizionit Klan.<br /><br />Shikoni ç?bëhet në unazë, veç qarkullimit të rënduar, parkimet dyshe janë një gjë krejt e zakontë, aq sa nuk i bëjnë përshtypje as policit që gjendet pak metra me tutje ne kryqëzim... <br /><br />Ish ?Blloku është një tjetër zonë ku makinat parkojnë si të duan, dhe drejtuesit e mjeteve në qarkullim duhet të bëjnë kujdes teksa lëvizin me makinë.<br /><br />Parkimet kundratabelë, janë një tjetër fenomen i zakontë, që policia rrugore nuk i ndëshkon.<br /><br />E sigurisht në vende ku parkimi nuk lejohet parkojnë dhe makinat e zyrtarëve. Siç shihet në këtë rast, është një makinë e Ministrisë së Mbrojtjes që ka parkuar tek kazanët e mbeturinave, gjë e cila ndëshkohet me gjobë nëse Policia Rrugore do të zbatonte ligjin.<br /><br />Parkimet dysh apo ndalesat e drejtuesve të mjeteve ku ju do qejfi sjellin edhe rëndesën në qarkullim duke krijuar trafik.<br /><br />Në zonën e liqenit, trafiku ka mbajtur peng për disa minuta drejtuesit e mjeteve, ndërsa policët që gjenden aty janë të pafuqishëm për ta lehtësuar atë.<br /><br /> Trafiku si pasojë e mosrespektimit të rregullave të qarkullimit dhe mosmbajtjes së situatës nën kontroll nga Policia Rrugore, po shndërrohet në fenomen të përditshëm në Tiranë.<br /><br />Një fenomen me të cilin qytetaret po përballen çdo ditë dhe që duket se më kot presin zgjidhje nga Policia Rrugore e kryeqytetit.
