Parkimet dyshe në Tiranë po ia marrin frymën trafikut në Tiranë.<br /><br />Kjo është situata në afërsi të Rrugës së Elbasanit, ku drejtues mjetesh rrinë me minuta të tëra pa u shqetësuar nga askush.<br /><br />Policia Rrugore e Tiranës e paaftë për të ndryshuar situatën dhe t'u vijë në ndihmë qytetarëve, bëhet vetë pengesë e qarkullimit.<br /><br />Në mesin e kaosit, një patrullë e policisë rrugore, në vend që të disiplinojë qarkullimin, shtrohet në muhabet në mes të kryqezimit me një koleg të saj në detyrë dhe një qytetar.<br /><br />Në rrugën "Myslym Shyri", thuajse në të gjithë gjatësinë e segmetit rrugor ka parkime paralele.<br /><br />E njëjta situatë edhe tek zona e shallvareve. Shkelës pafund të ligjit, teksa Policia Rrugore nuk duket gjëkundi.<br /><br />Këtu jemi përballë Qendrës Spitalore Universitare Nënë Tereza.<br /><br />Pamjet nuk kanë nevojë për komente. Mjete që parkojnë mbi trotuar, hapësirë e dedikuar për qytetarët.<br /><br />Edhe në këtë zonë nuk ka asnjë efektiv të policisë rrugore për të kryer detyrën dhe për të vendosur rregullin që mungon prej kohësh në Tiranë.
