Kaosi nga parkimet në kryeqytet vazhdon. Në të gjitha rrugët gjen makina të parkuara për dy.<br /><br />Por, Rruga, ?Myslym Shyri?, mbetet një ndër më problematiket.<br /><br />Makinat lëvizin në rresh për një, pasi në gjithë gjatësinë e saj ka makina të parkuara për dy dhe askush se ?vë ujin në zjarr? për të marrë masa.<br /><br />Edhe me problematike paraqitet situata në zonën e ?Shallvareve?. Është e vetmja rrugë ku gjithmonë ka prezencë të policëve rrugorë, por siç duket edhe nga pamjet nuk ndërmarrin asnjë hap për të zbatuar ligjin, dhe janë të pafuqishëm të zhbllokojnë trafikun.<br /><br />Parkimet dyshe vazhdojnë edhe përgjatë e Unazës.<br /><br />Të gjendur përballë një Policie Rrugore që nuk reagon, disa drejtues mjetesh shkojnë edhe më tej duke parkuar aty ku tabela nuk të lejon as të qëndrosh.<br /><br />Por, shkelësit e ligjit nuk janë vetëm qytetarët. Policia Rrugore është edhe vetë një prej institucioneve që prej disa vitesh mban të bllokuar rrugën ?Aleksandër Moisiu?, me makinat e dëmtuara që i ka parkuar aty.<br /><br />Nëse kalon në këtë rrugë, përveçse nuk gjen asnjë hapësire të lirë për të parkuar, të duket vetja se je në një varrezë makinash. Çdo makinë e bllokuar prej tyre vendoset në këtë zonë dhe jo në pikat e grumbullimit.
