Subscribe në Ora News këtu http://bit.ly/1s5j7UT<br />Gjatë një viti në vendin tonë hyjnë rreth 10 mijë shtetas kinezë. Ndërsa pas heqjes së vizave, Shqipëria do të vizitohet nga më shumë turistë kinezë gjatë sezonit turistik. Vendet e preferuara për kinezet janë qytetet historike dhe kulturore, ndër to Kruja dhe Gjirokastra. Sipas ambasadores kineze mes dy qeverive po diksutohet edhe heqja e vizave për shqiptarët që udhëtojnë drejt Kinës.<br /><br />Vendimi i qeverisë shqiptare për heqjen e vizave për shtetasit kinezë që vizitojnë Shqipërinë do të sjellë rritjen e numrit të turistëve që mbërrijnë nga ky shtet.<br /><br />Ambasadorja e Kinës Jiang Yu në Tiranë shprehet se ka një numër të madh të bashkëkombësve të saj që dëshirojnë të vizitojnë Shqipërinë.<br /><br />Ndaj dhe vendimi që ata të qëndrojnë pa vizë për një periudhë 90 ditore është një lehtësim i madh.<br /><br />Jiang Yu: Gjatë viti 2017 rreth 10 mijë kinezë kanë vizituar Shqipërinë, por pas këtij vendimi pritet që të rritet numri i turistëve. Shqipëria ka shumë vende të veccanta. Kruja është një ndër vendet më të kërkuara nga kinezët pasi është simbol i historisë shqiptare.<br /><br />Diplomatja kineze kërkon që agjensitë turistike duhet të krijojnë lehtësirat e duhura por dhe paketa turistike të përshtatshme për në Shqipëri por edhe në rajon.<br /><br />Jiang Yu: Operatorët turistikë mund të krijojnë marrëdhënie partneritet që të krijojnë paketa tërheqëse për turistët kinezë si në Shqipëri edhe në vendet e rajonit.<br /><br />Tashmë diskutimet mes dy vendeve janë përqendruar në heqjen e vizave për shtetasit shqiptarë që dëshirojnë të udhëtojnë drejt Kinës.<br /><br />Jiang Yu: Ne jemi të angazhuar bashkë me palen shqiptare për lehtësimin e lëvizjes së lirë edhe për shtetasit shqiptarë që udhëtojnë drejt Kinës.<br /><br />Rreth 10 mijë kinezë në vit vizitojnë vendin tonë, ku vendet më të preferuara janë qendrat historike dhe kulturore.<br /><br />Po ashtu qeveria shqiptare ka hequr vizat për një periudhë 6 mujore edhe me vendet të tjera si Rusia, Arabia Saudite, Gjorgjia, Bjellorusia, Katari, Omani, Tajlanda dhe Bahreini për periudhën nga 1 marsi deri në 31 tetor 2018 me një afat qëndrimi 90 ditë.<br />Për më shumë lexoni në:<br />http://oranews.tv/article/kinezet-pa-viza-ne-shqiperi-vendet-e-preferuara-kruja-dhe-gjirokastra
