Subscribe në Ora News këtu http://bit.ly/1s5j7UT<br /><br />Një grup taksistësh kanë denoncuar në BOOM mosfunksionimin e projektit "Tirana Last Mile" për përdorimin e taksive elektrike.<br /><br />Taksistët të cilët denoncuan ishin pjesë e një projekti, i cili u promovua edhe nga bashkia e Tiranës. Ky projekt që nëpërmjet makinave 100% elektrike presupozonte që do të ulte ndotjen, por edhe do të kishte një shërbim dinjitoz për qytetarët.<br /><br />Eduard Ferati është një nga taksistët e parë që iu bashkua projektit duke marrë një makinë të tillë, por sot ai thotë se gjithçka ka dështuar, pasi një makinë e tillë me një kosto 24 mijë euro do të duhet të paguajë edhe energjinë elektrike për karikim.<br /><br />Taksistëve i është kërkuar që të paguajnë energjinë elektrike pasi kompania nuk përballon dot koston. Ndërkohë që shpenzimet mujore për një makinë elektrike shkojnë 550 euro në muaj.<br /><br />Taksistëve u është premtuar që karikimi do të jetë falas për 4 vite, por nga një vëzhgim që gazetarja e BOOM bëri bashkë me taksistin, karta për karikim ishte bllokuar pasi ai duhet të paguante një shumë prej 180 mijë lekë.<br /><br />Në këtë projekt janë përfshirë tre kompani. Kompania që ka shitur makinat elektrike, kompania e taksive dhe institucioni financiar që ka dhënë kreditë për këto taksi.<br /><br />Për më shumë lexoni në: http://oranews.tv/article/taksistet-denoncojne-ne-boom-projekti-taksite-elektrike-deshtoi
