Subscribe në Ora News këtu http://bit.ly/1s5j7UT<br />Në të njëjtën kohe me bllokimin e katër rrugëve kryesore të vendit, biznesi i vogël zhvilloi një grevë dy orëshe, për të kundërshtuar përfshirjen në skemën e TVSH-së. Ata thanë se taksa e re i çon drejt falimentit në një kohë kur fuqia blerëse sipas tyre ka rënë.<br /><br />Përfaqësues të biznesit të vogël në të gjithë vendin ulën qepenat ne shenjë protestë kundër rritjes së taksës për vlerën e shtuar, në të njejtën kohe, kur qytetarë të mbështetur nga opozita bllokuan katër akset kryesore të lëvizjes në vend.<br /><br />Tregtarët e pazarit të Korçës, pezulluan punën për dy orë dhe kërkuan përgjysmimin e tarivës së TVSH që hyri në fuqi më 1 prill.<br /><br />Pas grevës, paralajmëruan se do të zbresin në protesta masive, por theksuan se do të shkojnë drejt falimentit për të mos rritur çmimet.<br /><br />Tarifa e pranueshme për ta është niveli 6 % për produktet e shportës.<br /><br />Të njejtën gjë benë edhe rreth 100 biznese në pedonalen e Fierit.<br /><br />Tregtarët thonë se taksa për ta do të thotë faliment.<br /><br />Protesta të ngjashme pati edhe në qytete të tjera.<br /><br />Prej datës 1 prill nisi zbatimi i skemës së re të TVSH-së prej 20 % për çdo biznes që kalon xhiron 2 milion lekë.<br />Për më shumë lexoni në:<br />http://oranews.tv/article/kunder-tvsh-se-biznesi-i-vogel-ul-qepenat-dy-ore-na-falimenton
