Gjatë forumit që po zhvillohet sot për personat LGBTI, ku marrin pjesë ministra dhe deputetë të shumicës parlamentare, ishte i pranishëm edhe ambasadori amerikan Donald Lu.<br /><br />Lu kujtoi rastin, kur tre vjet më parë ai doli në terren bashkë me policinë, për të mbrojtur personat LGBTI që po parakalonin me biçikleta, nga goditja e disa njerëzve me vezë. <br /><br />Ambasadori amerikan në Tiranë përmendi me emra dhe lavdëroi disa funksionarë publikë që u dolën në krah LGBTI-ve.<br /><br />Vetëm pak patën guxim. Igli Totozani, Vasilika Hysi, Olta Xhaçka, ju keni kurajo. <br /><br />Gjatë paradës së LGBTI disa vite më parë një djalë katër vjeçar që po kalonte me babain e tij desh u godit nga një vezë. Një nga koleget e mia të ambasadës u godit me një domate, më thanë se kjo ishte shumë më mirë në krahasim me të kaluarën.<br /><br />Është e vërtetë se kam parë përmirësim në Tiranë, por kam parë edhe homofobi të vazhdueshme.<br /><br />Kam parë fare pak politikanë shqiptarë që të shfaqin mbështetjen në publik në nisma si parada apo Indeksi i LGBTIQ.<br /><br />Më pas Lu nuk la pa përmendur me shqetësim edhe emrat e disa politikanëve, që i kanë sulmuar kohët e fundit personat LGBTI.<br /><br />Kemi ndjekur Ylli Manjanin, Tritan Shehun dhe Oriola Pampurin. Kini kujdes sepse përfaqësoni edhe elektoratin tuaj. Kemi ndjekur debtatet e nxitura nga deklaratat e bëra, shpresoj që drejtuesit politikë ta kuptojnë se fjalët e tyre nuk përfaqësojnë vetëm bindjet e tyre partiake, por edhe të njerëzve që i kanë zgjedhur për ta përfaqësuar.<br /><br />Populli shqiptar është shumë tolerant, unë shpresoj që edhe politikanët të jenë po kaq tolerantë.
