Debate mes kryebashkiakes Voltana Ademi dhe zv. Kryeministres Senida Mesi gjatë tryezës së organizuar nga Ambasada britanike në Shkodër për parandalimin e krimit tek të rinjtë. Kryebashkiakja Voltana Ademi u shpreh se problem mbetet krimi i organizuar i lidhur me politikën dhe drejtues të lartë të policisë, ndërsa shënjestroi zv.kryeministren sa i përket nivelit të përfaqësimit të qeverisë dhe trajtimit të kësaj problematike.<br /><br />?Krimi, sidomos ai i lidhur dhe mbrojtur në bashkëpunim me politikën, është shqetësim real dhe vazhdon të jetë i tillë për shoqërinë shqiptare. Krimi i organizuar është realitet i hidhur për vendin tonë. Shqipëria vazhdon të jetë fatkeqësisht vend prodhimi dhe eksportimi i drogës. Droga është biznes fitimprurës për trafikantët. Ka katër urdhër-arreste për ish drejtues të lartë të shtetit, që dyshohen si të përfshirë në trafikun e drogës bashkë me ish-ministrin e Brendshëm. Unë do kisha një sugjerim për organizatorët, por edhe për të gjithë ne, përfaqësuesit e ministrisë dhe policisë të ishin këtu se kanë funksionin e parë ligjor?<br /><br />Voltana Ademi, kryebashkiake e Shkodrës<br />Në kundërpërgjigje, zv. Kryeministrja Senida Mesi u shpreh se nuk i takon kryebashkiakes të kritikojë punën e qeverisë, ndërkohë që nuk ka bërë as detyrat e saj të Shtëpisë.<br /><br />?Nuk përshëndes statistikat të bëra nga një specialiste e rëndomtë, pa bërë mirë detyrat e shtëpisë. Dëgjoj shembuj suksesi të Malësisë së Madhe, por nuk dëgjoj asnjë shembull suksesi në Bashkinë Shkodër. Jemi këtu për të adresuar problematika dhe për të zgjidhur ato çështje.<br /><br />Të tregojmë vizion, lidership dhe qeverisje. Do doja sugjerime, rekomandime, punë të përbashkët me qëllim që krimin e organizuar, përfshirë dhe në politikë, meqë Ademi e ka me shumë merak, ta shohim çdo ditë?<br /><br />Senida Mesi, zv.kryeministre
