Subscribe në Ora News këtu http://bit.ly/1s5j7UT<br />Poçaria, një nga mjeshtëritë më të hershme të njeriut, i ruan ende gjurmët e saj në vendin tonë.<br /><br />Një traditë e lashtë që nga epoka e gurit, lulëzon në ditët e sotme në punishten e vetme të enëve prej balte në Elbasan.<br /><br />Ali Liçi që prej viti 1973 prodhon dhe dekoron në mënyrë artizanale enë prej balte. Me pasion dhe përkushtim, 60 vjeçari elbasanas u jep formë çdo ditë dhjetëra vazove në punishten e tij.<br /><br />Kamera e Ora News, pa nga afër punishten e pocarit të vetëm në Elbasan, falë të cilës ai siguron të ardhurat për të mbajtur familjen.<br /><br />Ali Liçi: "Profesion e kam marrë nga ustallarët e parë që kanë qenë në Elbasan. Zanatin e trashëgova që atëherë dhe nuk iu ndave. Këtë profesion e kam marrë që në moshë të vogël."<br /><br />Të jesh poçar nuk është aspak e lehtë, pasi puna për nxjerrjen në dritë të një vazoje apo një ene prej balte bëhet e gjitha në mënyrë tradicionale me dorë që prej përgatitjes së baltës e deri tek pikturimi i objekteve.<br /><br />Ali Liçi: "Mund të bëj një vazo lulesh, një poçe fasulesh, vazo dekorative. Kam disa tregtarë që i furnizoj."<br /><br />Por pavarësisht vështirësive të kësaj mjeshtërie, Liçi e dashuron poçarinë dhe nuk do të heqë dorë prej tyre.<br /><br />Ali Liçi: "Nuk heq dorë nga ky profesion sepse me këtë u rrita dhe mbaj familjen. Mirë që t'ia lësh brezave, që të mos humbi si traditë."<br /><br />Enët prej balte gjejnë përdorim më së shumti në guzhinë, falë vetive fizike të veccanta. Në to ruhet uji i ftohtë dhe disa lloje ushqimesh konservohen më mirë. Po ashtu, objektet prej balte preferohen edhe si elemente dekorimi.<br /><br />Por përveçse praktike dhe të dobishme në mjediset familjare, enët dhe objektet e qeramikës, mbeten një tregues i historisë njerëzore dhe kulturore në periudha të ndryshme. <br />Për më shumë lexoni në:<br />http://oranews.tv/article/pocari-i-fundit-ne-elbasan-artizani-i-baltes-qe-ruan-mjeshtrine-e-hershme
