Zhvlerësimi i kursit të këmbimit ka sjellë një humbje të konsiderueshme për Bankën e Shqipërisë, duke shënuar edhe një rekord në rënien e fitimeve të saj.<br /><br />Sipas të dhënave të bilancit zyrtar, raportohet se vitin e kaluar, humbja totale e bankës qëndrore është 15 miliardë Lekë apo 115 milion euro, ndërsa në 2016-ën humbja rezultoi në vlerën e 522 milionë Lekëve.<br /><br />Rënia e fitimit lidhet në pjesën më të madhe me zhvlerësimin e rezervës valutore si pasojë e forcimit të lekut ndaj Euros dhe Dollarit amerikan.<br /><br />Goditja që ka ardhur nga kursi i këmbimit është 15 miliardë Lekë, dhe në 2016-ën zhvlerësimi i monedhave dha një efekt negativ në vlerën e 1.7 miliardë Lekëve.<br /><br />Bilanci negativ i bankës ka sjellë efekte edhe në buxhet, pasi fitimet e saj transferohen në arkën e shtetit.<br /><br />Për 2017-n, të ardhurat nga Banka Qëndrore ishin planifikuar në nivelin e 1 miliard Lekëve, por në total u arkëtuan 908 milionë.<br /><br />Kjo ishte rënia më e madhe historike e derdhjes së fitimeve të saj në buxhet.
