Subscribe në Ora News këtu http://bit.ly/1s5j7UT<br /><br />Shqiptarët mbajnë vendin e dytë mbas Marokut për numrin e lartë të qytetarëve që kanë marrë nënshtetësi të vendet e Bashkimit Europian. Sipas të dhënave të Eurostat, janë 67 mijë e 500 shqiptarë të cilët gjatë 2016 kanë marrë një tjetër nënshtetësi, ku peshën kryesore e mban nënshtetësia italiane dhe më pas ajo greke.<br /><br />Rritet ndjeshëm numri i shqiptarëve që kanë marë nënshtetësi të huaj duke braktisur atë shqiptare.<br /><br />Të dhënat e Eurostat tregojnë se shqiptarët zënë vendin e dytë pas marokenëve, të cilët kanë marrë pasaportë për të jetuar si qytetar me të drejta të plota në vendet e Bashkimit Europian.<br /><br />Raporti i cili i referohet të dhënave të 2016, nxjerr në pah se janë 67 mijë e 500 qytetarë shqiptarë të cilët kanë marrë një tjetër kombësi.<br /><br />Peshën kryesore e mbajnë dy vendet fqinje Italia dhe Greqia, ku kanë marrë nënshtetësi 97 % e emigrantëve shqiptarë. <br /><br />Në Itali dhe Greqi emigrantët nga Shqipëria mbajnë vendin e parë për pajisjen me pasaportë krahasuar kjo me emigrantë nga vende të tjera të botës.<br /><br />Pas Shqipërisë, vendi me numrin më të lartë të emigrantëve që kanë marrë nënshtetësi në vendet e Bashkimit Europian është Maroku me rreth 101 mijë e 300 persona të cilët kanë marrë nënshtetësi spanjolle dhe franceze.<br /><br />Të tjera vende me numër të konsiderueshëm të emigrantëve që kanë marrë nënshtetësi të huaj janë India, Pakistani dhe Turqia.<br /><br />Për më shumë lexoni në: http://oranews.tv/article/shqiptaret-braktisin-shqiperine-675-mije-persona-kane-marre-nenshtetesi-te-huaj
