Trenat në Shqipëri vijojnë të shkaktojnë aksidente edhe pse lëvizin me shpejtësi minimale. Edhe sot, treni i linjës Tiranë-Shkodër ka përplasur një kamionçinë në Milot.<br /><br />Automjeti i ka prerë rrugën trenit dhe pasi është goditur nga ky i fundit ka përfunduar poshtë urës, duke shkaktuar tre të plagosur. Personat udhëtonin me kamionçinën. Ata janë transportuar me urgjencë për në spital ku mësohet se ndodhen jashtë rrezikut për jetën. <br /><br />Informacioni paraprak i policisë: <br />Më datë 10.04.2018, rreth orës 08:30 , te Salla Operative është bërë njoftim se tek Shinat e trenit në Pllanë - Lezhë, treni është përplas me një mjet. Menjëherë në vendngjarje kanë mbërritur shërbimet policore, që kanë konstatuar se treni i linjes Shkodër - Vorë, është përplasur me një mjet tip kamion që tranporton mallra, me drejtues shtetasin A.P. 44 vjeç, banues në Spiten.<br /><br />Në furgon kanë qenë përveç drejtuesit , edhe 2 shtetas të tjerë. Lëndime kanë pësuar drejtuesi dhe njëri nga pasagjerët E.Gj. 38 vjeç, banues në Spiten, të cilët ndodhen në spitalin Rajonal të Lezhës, jashtë rrezikut për jetën.
